الثلاثاء , أغسطس 4 2020
الرئيسية / وهج الحروف / نقدر نواجهه جائحه كورونا بالالتزام

نقدر نواجهه جائحه كورونا بالالتزام

بقلم:الزهراء العبري
كل يوم حنا في قصه جديده , كل يوم نقاش في البيت ..سوي ولا تسوي ..نام واصحى ..اكل واشرب ..وصياح وضحك وعايشين والله نروح ونجي نشوف الاهل وكنا نحس انه وضعنا ممل كل يوم نفس الروتين دوام البيت اكل وشرب ونوم وتصحى اليوم إلي بعده وتعيد إلي سويته امس ماعدا الجمعه والسبت اجازه ونشوف فيهم ويش ناقصنا بهاليومين والجمعه تتجمع العائله وبعدييييييين صاااار شي لا حاسبين له حساب ولا كان على البال ابد ما كنت افكر بيوم انه بيجي يوم اخاف اطلع فيه من البيت ولا اروح مع حد …تسمع حد يدق عليك الباب تخاف …تسمع حد فيه كحه او يعطس تعطيه نظررره كأنك اول مره تسمع حد يكح او يعطس ..ايييه والله صرنا نخاف محد يطلع من البيت الا وقت الضروره ولا بعد م نطلع يد قدام ويد وراء لا لا لا تطلع بكمامك وقفازاتك ومعقم وترجع البيت تغسل ايدينك بالماي والصابون …تعرفوا اضايق والله لما اشوف صغار العائله يجون يسلمون وكل يوم نفس الموال نعلمهم لا تسلمون الا من بعيد ..م ينلامون مساكين صغار تراهم ينسون وما يعرفون خطوره الفايروس لانهم تعودوا على شي معين احترام الناس ويسلمون ويبوسون كبار السن من راسهم ..ومساكين بعض صغار يقولوا ليش ما نسلم بطرانين ؟؟ لا لا ما بطرانين خايفين على نفسنا ..كنت اتأفف واتضايق لما يقولون بنروح نسلم على اهلكم ولحين اتمنى بس اجلس مع اهلي لحظه بدون خوف نسلم ونسولف ونضحك مع بعض مثل قبل ………..كل شي صار فجأه! لا انا ولا انتوا بيدكم تسوون شي كل هذا بيد الله لكن احنا نآخذ بالاسباب نلتزم يعني ما بنخسر شي لو جلسنا ف بيوتنا عشانا وعشان اهلنا وفي ناس الله يعطيهم العافيه يحاربون عشانكم ولا يشوفون اهلهم بالايام والاسابيع والاشهر عشانهم انتوا بعد التزموا…تراه فعلا انتوا تقرروا يظل كورونا او يروح من بعد أمر الله …ادري تقولون ملل جلسه لبيت وحنا ما تعودنا على هذا الروتين بس ما عليه ايام وتعدي ونرجع مثل قبل وافضل من قبل بمشيئه الله وربنا قادر يغير كل شي برمشه عين.. تراه في دول مرت عليها جائحه كورونا وراحت عنهم ورجعوا يعيشوا حياتهم طبيعيه حد سأل نفسه كييف؟ لانهم يلتزمون لانهم التزموا فتره عشان يتاحوا ويرجعوا لحياتهم الطبيعيه ..ليش ما نقول لدولتنا عيشي بسلام انتي وشعبك بدون فقائد بدون توتر وخوف….يمكن لا سمح الله هالشي م صار معنا بالبيت لكن صار مع اشخاص ثانيه ياخي كلنا دوله وحده وكلنا شعب واحد وكلنا نخاف على نفسنا واهلنا ناخذ لموضوع بجديه شوي ….اناا سألتزم وانتم ستلتزمون لتمري يا جائحه كورونا ….

اتصل بنا

 

شاهد أيضاً

أ لم يأنِ للذين آمنوا أن تتوحَّدوا قلباً و قالباً ؟

بقلم: محمد ذيشان أحمد أستاذ الفقه و اللغة العربية بالهند من المعلوم الذي لا يخفىٰ …

اترك تعليقاً